अबिरं छंगु ख्वाः हिसि दय्काबि
न्हापा लिपा मछासां
थौंला प्याखँ हुला ब्यु
झीतनं मिजं तय्थें
अबिर तया क्यं
अबिरया होलि तँचायाला ल्यासे
अबिरं छंगु ख्वाः हिसि दय्काबि
दच्छि तक्क पिया वःगु
थौं थें जाःगु होलि
उकिंसनं म्हीतिपिं
झीथें जाःपिं झ्व:लिं
अबिरया होलि तँचायाला ल्यासे
अबिरं छंगु ख्वाः हिसि दय्काबि
जुजु रानी दरवारय्
होलि म्हितिगु रे
छम्हेसिनं याना
छाय् मछिंकेगु रे
अबिरया होलि तँचायाला ल्यासे
अबिरं छंगु ख्वाः हिसि दय्काबि
झ्यालय् च्वंगु तुकंमां
व हे ल्यासे जित मां
व ल्यासे मदय्कं
जा हे मनया
अबिरया होलि तँचायाला ल्यासे
अबिरं छंगु ख्वाः हिसि दय्काबि
No comments:
Post a Comment