यःसां मयः पहः

यःसां मयः पहः याय्मते मय्जु
खंसां मखं पहःयाय् मते मय्जु
छं न्यासि कया च्वंगु बाँलाक्क स्यु जिं बाँलाक्क स्यु
यःसां मयः पहः याय्मसः भाजु
खंसां मखं पहःयाय् मवः भाजु
छं शंका याना च्वंगु बाँलाक्क स्यु जिं बाँलाक्क स्यु
यःसां मयः पहः याय्मते मय्जु
यःसां मयः पहः याय्मसः भाजु
यौवन जकया वय्वं मछा पहः नं दया वै
मतिनाया जाः नं नुगल्य् लुया वै
छंगु मन्य् स्वाँ ह्वै च्वंगु बाँलाक्क स्यु जिं बाँलाक्क स्यु
यःसां मयः पहः याय्मसः भाजु
खंसां मखं पहःयाय् मवः भाजु
जित जक यय्वं छेंजः पिनि गथे यै
सिइकि भाजु छं द छु याना यंके फै
जित छं यय्का च्वंगु बाँलाक्क स्यु जिं बाँलाक्क स्यु
यःसां मयः पहः याय्मते मय्जु
यःसां मयः पहः याय्मसः भाजु
खंसां मखं पहःयाय् मते मय्जु
खंसां मखं पहःयाय् मवः भाजु
छं न्यासि कया च्वंगु बाँलाक्क स्यु जिं बाँलाक्क स्यु
छं शंका याना च्वंगु बाँलाक्क स्यु जिं बाँलाक्क स्यु

सिरसाया हेकू जिमी……

सिरसाया हेकू जिमी दाइचां ब्यूगु
व हेकु काःसां निसें मोकनीनंथिल रे
उलसांनिसें मन फर्के जुल
सिरसाया हेकू
ञचा स्वयां धे धे चु फेलु स्वयां फः फः स्वः
जिमि दाइचां न्हिला न्हिला फुक्कं दयेका बिल रे
उलसांनिसें मन फर्के जुल
सिरसाया हेकू …………..
त्यांकाः त्यांकाः ताङ्गाचा हान्थां हान्थां हाथाचा
जिमि दाइचां दयेका बिल हिसि दयेक लवःचा
उलसांनिसें मन फर्के जुल
सिरसाया हेकू……..
सिंख्वलाया रङ्गचा छिना तैगु कापचा
व हे लन फिनां दाइचा पाजु पिन्थाये वनका
उलसां निसें मन फर्के जुल
सिरसाया हेयकू जिमी दाइचां ब्यूगु
व हेकु काःसां निसें मोहनी नं थिल रे
उलसांनिसें मन फर्के जुल

दक्सिबे यःम्ह छ छम्ह दु

दक्सिबे यःम्ह छ छम्ह दु मेपिं सुं मदु
छ हे धका पिया च्वना थौं तक्क कुमार जुया
दक्सिबे छुच्चाम्ह छि छम्ह दु मेपिं सुं मदु
लँपुइ च्वना हाय्के मते जित पत्तुपना
दक्सिबे यःम्ह छ छम्ह दु

छन्केला नुगः दु जित माया मरुला
छन्केला प्यास दु जिके जक मदुला
उकें जित छङ्गु जोवन सुम्क लःल्हाना ब्यु
दक्सिबे छुच्चाम्ह छि छम्ह दु मेपिं सुं मदु
लँपुइ च्वना हाय्के मते झीत पत्तुपना
दक्सिबे यःम्ह छ छम्ह दु
जिकेला नुगःदु छित बिइ माःगु मदु
जिकेला प्यास दु छिगु प्यास वास्ता मदु
उकेंजित महाय्कुसें सुमुक्क लँलिना हुँ
दक्सिबे बाँलाम्ह छ छम्ह दु मेपिं सुं मदु
छङ्गु हे भरय् पिया च्वना थौं तक्क कुमार जुया
दक्सिबे छुच्चाम्ह छि छम्ह दु

होलिया मेला मय्जुं मस्युला

अबिरया होलि तँचायाला ल्यासे
अबिरं छंगु ख्वाः हिसि दय्काबि

न्हापा लिपा मछासां
थौंला प्याखँ हुला ब्यु
झीतनं मिजं तय्थें
अबिर तया क्यं
अबिरया होलि तँचायाला ल्यासे
अबिरं छंगु ख्वाः हिसि दय्काबि

दच्छि तक्क पिया वःगु
थौं थें जाःगु होलि
उकिंसनं म्हीतिपिं
झीथें जाःपिं झ्व:लिं
अबिरया होलि तँचायाला ल्यासे
अबिरं छंगु ख्वाः हिसि दय्काबि

जुजु रानी दरवारय्
होलि म्हितिगु रे
छम्हेसिनं याना
छाय् मछिंकेगु रे
अबिरया होलि तँचायाला ल्यासे
अबिरं छंगु ख्वाः हिसि दय्काबि

झ्यालय् च्वंगु तुकंमां
व हे ल्यासे जित मां
व ल्यासे मदय्कं
जा हे मनया
अबिरया होलि तँचायाला ल्यासे
अबिरं छंगु ख्वाः हिसि दय्काबि